negative energy:ಪ್ರತಿಯೊಬ್ಬ ವ್ಯಕ್ತಿಯು ತನ್ನ ಜೀವನದಲ್ಲಿ ಒಂದಲ್ಲ ಒಂದು ರೀತಿಯ ತೊಂದರೆಗಳನ್ನು ಎದುರಿಸುತ್ತಿರುತ್ತಾರೆ. ಅದಕ್ಕೆ ನಮ್ಮ ಸ್ವಂತ ಮಟ್ಟದಲ್ಲಿ ಪರಿಹಾರವನ್ನು ಕಂಡುಕೊಳ್ಳಲು ಪ್ರಯತ್ನಿಸುತ್ತಿರುತ್ತಾರೆ. ಅದರಲ್ಲಿ ಒಂದು ವಾಸ್ತು ಪರಿಹಾರ. ಇದರ ಸಹಾಯದಿಂದ ನಾವು ಜೀವನದ ಸಮಸ್ಯೆಗಳನ್ನು ಸುಲಭವಾಗಿ ಪರಿಹರಿಸಬಹುದು. ಇಂದು ನಾವು ಉಪ್ಪಿನ ಮೂಲಕ ನಮ್ಮ ಸಮಸ್ಯೆಗಳಿಗೆ ಹೇಗೆ ಪರಿಹಾರ ಪಡೆಯಬಹುದು ಎಂಬದನ್ನು ತಿಳಿಸಿಕೊಡಲಿದ್ದೇವೆ.
ಉಪ್ಪಿಲ್ಲದೇ ಯಾವುದೇ ಆಹಾರ ರುಚಿಸದು. ಇದು ಆಹಾರದ ರುಚಿಯನ್ನು ಹೆಚ್ಚಿಸುವುದರ ಜೊತೆಗೆ, ಹಲವಾರು ಸಮಸ್ಯೆಗಳಿಂದ ಮುಕ್ತರಾಗಲು ಸಹಾಯ ಮಾಡುವುದು. ಅದು ಹೇಗೆ?, ವಾಸ್ತು ಶಾಸ್ತ್ರದ ಪ್ರಕಾರ ಅದನ್ನು ಹೇಗೆ ಬಳಸವುದು ಎಂಬುದನ್ನು ನೋಡೋಣ.
ಆರ್ಥಿಕ ಬಿಕ್ಕಟ್ಟಿಗೆ ಈ ಕ್ರಮಗಳನ್ನು ತೆಗೆದುಕೊಳ್ಳಿ:ಕೆಲವೊಮ್ಮೆ ಮನೆಯಲ್ಲಿ ಹಣದ ಕೊರತೆ ಇರುತ್ತದೆ. ಅಷ್ಟೇ ಅಲ್ಲ, ಒಬ್ಬ ವ್ಯಕ್ತಿಯು ಬಹಳಷ್ಟು ಹಣವನ್ನು ಗಳಿಸಿದರೂ ಅದನ್ನು ಸರಿಯಾಗಿ ನಿರ್ವಹಣೆ ಮಾಡಲು ಸಾಧ್ಯವಾಗುವುದಿಲ್ಲ. ವಾಸ್ತು ಪ್ರಕಾರ, ಯಾವುದೇ ರೀತಿಯ ಆರ್ಥಿಕ ಬಿಕ್ಕಟ್ಟು ನಿಮ್ಮ ಮನೆಯಿಂದ ದೂರವಿರಲು, ಒಂದು ಲೋಟ ನೀರು ತುಂಬಿಸಿ, ಅದಕ್ಕೆ ಉಪ್ಪು ಸೇರಿಸಿ, ಅದನ್ನು ಮನೆಯ ನೈಋತ್ಯ ಮೂಲೆಯಲ್ಲಿ ಇರಿಸಿ. ಜೊತೆಗೆ ಲೋಟದ ಮೇಲೆ ಕೆಂಪು ಬಲ್ಬ್ ಅನ್ನು ಇಡಿ, ಅದು ಉರಿಯುವಾಗ ಅದರ ಬೆಳಕು ನೇರವಾಗಿ ಗಾಜಿನ ಮೇಲೆ ಬೀಳಬೇಕು. ಗಾಜಿನ ನೀರು ಒಣಗಿದಾಗ, ಅದನ್ನು ಸ್ವಚ್ಛಗೊಳಿಸಿ, ಮತ್ತೆ ನೀರಿನಲ್ಲಿ ಉಪ್ಪು ಹಾಕಿ. ಹೀಗೆ ಮಾಡುವುದರಿಂದ ಹಣಕಾಸಿನ ಮುಗ್ಗಟ್ಟು ಇರುವುದಿಲ್ಲ ಮತ್ತು ಹಣದ ನಿರ್ವಹಣೆಯೂ ಚೆನ್ನಾಗಿರುತ್ತದೆ.
ಒತ್ತಡದಿಂದ ಮುಕ್ತವಾಗಲು ಹೀಗೆ ಮಾಡಿ:ಮನೆಯಲ್ಲಿ ಸಂಪತ್ತು ಮತ್ತು ಸಮೃದ್ಧಿಯನ್ನು ಕಾಪಾಡಿಕೊಳ್ಳಲು, ಗಾಜಿನ ಬಟ್ಟಲಿನಲ್ಲಿ ಸ್ವಲ್ಪ ಉಪ್ಪನ್ನು ತೆಗೆದುಕೊಳ್ಳಿ, ಉಪ್ಪು ಸ್ವಲ್ಪ ದಪ್ಪವಾಗಿರಬೇಕು ಎಂಬುದನ್ನು ನೆನಪಿನಲ್ಲಿಡಿ. ಆ ಬಟ್ಟಲಿನಲ್ಲಿ ಉಪ್ಪಿನೊಂದಿಗೆ ನಾಲ್ಕೈದು ಲವಂಗಗಳನ್ನು ಹಾಕಿ. ನೀವು ಅದನ್ನು ಮನೆಯ ಯಾವುದೇ ಮೂಲೆಯಲ್ಲಿ ಇರಿಸಬಹುದು. ಹೀಗೆ ಮಾಡುವುದರಿಂದ ಹಣವನ್ನು ಪಡೆಯಲು ಪ್ರಾರಂಭಿಸುತ್ತೀರಿ. ಇದರೊಂದಿಗೆ ಮನೆಯ ಅದೃಷ್ಟವೂ ಇರುತ್ತದೆ. ಜೊತೆಗೆ ಆಹ್ಲಾದಕರ ವಾತಾವರಣವೂ ಮನೆಯಲ್ಲಿ ನೆಲೆಸಿರುತ್ತದೆ.
ವಾಸ್ತು ದೋಷಗಳಿಗೆ ಈ ಪರಿಹಾರಗಳನ್ನು ಮಾಡಿ:ಬಾತ್ ರೂಮ್ ಗೆ ಸಂಬಂಧಿಸಿದ ವಾಸ್ತು ದೋಷವಿದ್ದರೆ ಬಟ್ಟಲಿನಲ್ಲಿ ಕಲ್ಲು ಉಪ್ಪನ್ನು ತೆಗೆದುಕೊಂಡು ಬಾತ್ ರೂಂನಲ್ಲಿ ಯಾರೂ ಮುಟ್ಟದ ಜಾಗದಲ್ಲಿ ಇಡಿ. ಕೆಲವು ದಿನಗಳ ನಂತರ, ಆ ಉಪ್ಪನ್ನು ನೆನಪಿನಿಂದ ಬದಲಾಯಿಸಿ.
ಸಂಬಂಧಗಳಲ್ಲಿ ಮಾಧುರ್ಯವನ್ನು ತರಲು ಹೀಗೆ ಮಾಡಿ:ಉಪ್ಪು ಆರ್ಥಿಕ ಬಿಕ್ಕಟ್ಟನ್ನು ಸುಧಾರಿಸಲು ಮಾತ್ರವಲ್ಲದೇ, ಪರಸ್ಪರ ಸಂಬಂಧಗಳನ್ನು ಸುಧಾರಿಸಲು ಪರಿಣಾಮಕಾರಿಯಾಗಿದೆ. ಪತಿ-ಪತ್ನಿಯ ನಡುವೆ ಭಿನ್ನಾಭಿಪ್ರಾಯ ಇದ್ದರೆ ವಾಸ್ತು ಪ್ರಕಾರ ಒಂದು ಬಟ್ಟಲಿನಲ್ಲಿ ಉಪ್ಪನ್ನು ತೆಗೆದುಕೊಂಡು ಮಲಗುವ ಕೋಣೆಯಲ್ಲಿ ಇರಿಸಿ. ಹೀಗೆ ಮಾಡುವುದರಿಂದ ಮನೆಯಿಂದ ನಕಾರಾತ್ಮಕ ಶಕ್ತಿ ದೂರವಾಗುತ್ತದೆ. ನೀವು ಹದಿನೈದು ದಿನಗಳು ಅಥವಾ ಒಂದು ತಿಂಗಳ ನಂತರ ಈ ಉಪ್ಪನ್ನು ಬದಲಾಯಿಸಬಹುದು.
ನಕಾರಾತ್ಮಕತೆ ನಿವಾರಣೆಗೆ ಹೀಗೆ ಮಾಡಿ:ವಾಸ್ತು ಶಾಸ್ತ್ರದಲ್ಲಿ ಉಪ್ಪಿನ ಹಲವು ಸರಳ ಪರಿಹಾರಗಳಿವೆ. ಆದರೆ ನಿಮ್ಮ ಮನೆಯಿಂದ ನಕಾರಾತ್ಮಕತೆಯನ್ನು ತೊಡೆದುಹಾಕಲು ಸುಲಭವಾದ ಮತ್ತು ಸರಳವಾದ ಪರಿಹಾರವೆಂದರೆ, ಉಪ್ಪುನೀರಿನಿಂದ ನೆಲ ಒರೆಸುವುದು. ಇಡೀ ವಾರ ಇದನ್ನು ಮಾಡಲು ಸಾಧ್ಯವಾಗದಿದ್ದರೆ, ವಾರಕ್ಕೆ ಎರಡು ಬಾರಿ ಉಪ್ಪುನೀರಿನಿಂದ ನೆಲೆ ಒರೆಸುವುದರಿಂದ, ಎಲ್ಲಾ ನಕಾರಾತ್ಮಕ ಶಕ್ತಿಯು ಕೊನೆಗೊಳ್ಳುತ್ತದೆ.
