ಹಿಂದೂ ಧರ್ಮದಲ್ಲಿನ ಹೆಚ್ಚು ಮಂತ್ರಗಳು ಸುತ್ತಲೂ ಇರುವಂತಹ ನಕಾರಾತ್ಮಕ ಶಕ್ತಿಯನ್ನು ದೂರಮಾಡಿ ಧನಾತ್ಮಕವಾದ ಶಕ್ತಿಯನ್ನು ಉಂಟುಮಾಡುವುದು ಎಂದು ಹೇಳಲಾಗುತ್ತದೆ.ಮಂತ್ರೋಚ್ಚಾರದಿಂದಾಗಿ ಸುತ್ತಲಿನ ಪರಿಸರದಲ್ಲಿ ಧನಾತ್ಮಕ ಶಕ್ತಿ ಮೂಡುವುದು. ಇದರ ಬಗ್ಗೆ ಕೆಲವೊಂದು ಅಧ್ಯಯನಗಳು ವೈಜ್ಞಾನಿಕವಾಗಿ ಇದು ಸಾಬೀತಾಗಿದೆ ಎಂದು ಹೇಳಿವೆ.
ಹೆಚ್ಚಾಗಿ ಪ್ರತಿಯೊಂದು ಮಂತ್ರದಲ್ಲೂ ಕೂಡ ಓಂ ಎನ್ನುವ ಶಬ್ದವಿದೆ. ಪ್ರತಿಯೊಂದು ಶಬ್ದವೂ ಓಂ ಯಿಂದ ಆರಂಭವಾಗಿ ಸ್ವಾಹದಿಂದ ಕೊನೆಯಾಗುವುದು. ಅನಾದಿಕಾಲದಿಂದಲೂ ಹಿಂದೂ ಧರ್ಮದಲ್ಲಿ ಓಂ ಎನ್ನುವ ಪದವು ತುಂಬಾ ಶಕ್ತಿಯುತವಾಗಿರುವುದು ಎಂದು ನಂಬಲಾಗಿದೆ. ಓಂ ಶಬ್ದವನ್ನು ಉಚ್ಚರ ಮಾಡಿದಾಗ ಒ, ಉ, ಮ ಎನ್ನುವ ಮೂರು ಶಬ್ದಗಳು ಬರುವುದು.
ಹಿಂದೂ ನಂಬಿಕೆಯ ಪ್ರಕಾರ ಈ ಮೂರು ಪದಗಳು ತ್ರಿಮೂರ್ತಿಗಳಾಗಿರುವ ಬ್ರಹ್ಮ ವಿಷ್ಣು ಮಹೇಶ್ವರ ದೇವರಿಗೆ ಸಂಬಂಧಿಸಿದ್ದಾಗಿದೆ. ಧರ್ಮಶಾಸ್ತ್ರದ ಪ್ರಕಾರ ಇದರ ಅರ್ಥವೇನೆಂದರೆ ಈ ಭೂಮಿಯೂ 3 ವಿಧಾದ ಶಕ್ತಿಗಳಿಂದ ನಿರ್ಮಿಸಲಾಗಿದೆ.ಅವುಗಳೆಂದರೆ ಸತ್ವ, ರಜಸ ಮತ್ತು ತಮಸ.
- ಸತ್ವ ಎಂದರೆ ಅದರಲ್ಲಿ ಒಳ್ಳೆಯ ಗುಣಗಳು ಇದೆ ಎಂದು ಹೇಳಬಹುದು.
- ರಜಸ ಎಂದರೆ ಮನುಷ್ಯ ಅಥವಾ ಒಬ್ಬ ರಾಜನ ಗುಣಗಳು ಇದೆ ಎಂದು ಹೇಳಬಹುದು.
- ತಮಸ ಎಂದರೆ ರಾಕ್ಷಸರಂತಹ ಗುಣಗಳು ಇದೆ ಎಂದು ಹೇಳಬಹುದು. ಪ್ರತಿಯೊಂದು ಅಂಶವು ಈ ಮೂರು ಗುಣಗಳನ್ನು ವಿಭಿನ್ನ ಪ್ರಮಾಣದಲ್ಲಿ ಶಕ್ತಿಗಳೊಂದಿಗೆ ಒಳಗೊಂಡಿದೆ. ಕೆಲವೊಂದು ಸಲ ಶಕ್ತಿಯ ಪ್ರಮಾಣದಲ್ಲಿ ಬದಲಾವಣೆ ಆಗಬಹುದು. ಆದರೆ ಅಂಶವು ಮಾತ್ರ ಅದೇ ಆಗಿರುತ್ತದೆ. ಎಲ್ಲವನ್ನು ಜೊತೆಯಾಗಿ ಸೇರಿಸಿಕೊಂಡಗ ಇದು ಒಂದು ಪರಿಪೂರ್ಣ ಸಮೂಹ ಆಗಿರುವುದು. ಈ ಮೂರು ಗುಣಗಳ ಸಮೀಕರಣವನ್ನು ಓಂ ಎನ್ನುವ ಒಂದು ಪದವು ಹೇಳುವುದು. ಇದರ ಗುಣಮಟ್ಟವನ್ನು ಗುಣಗಳು ಎಂದು ಕರೆಯಲಾಗುತ್ತದೆ ಮತ್ತು ಪ್ರಾಮುಖ್ಯತೆ ಎಂದು ಹೇಳಲಾಗಿದೆ.
ಓಂ ಎನ್ನುವುದು ಪವಿತ್ರವಾದ ಆರಂಭ. ಹಿಂದೂ ಧರ್ಮದ ಪ್ರಕಾರ ಓಂ ಎನ್ನುವುದು ಕೇವಲ ಈಶ್ವರ ದೇವರ ಸಂಕೇತ ಮಾತ್ರವಲ್ಲ. ಇದು ಗಣಪತಿ ದೇವರ ಸಂಕೇತವು. ಇದರಿಂದಾಗಿ ಗಣಪತಿ ದೇವರನ್ನು ಹೆಚ್ಚಾಗಿ ಓಂ ಆಕಾರದ ಚಿತ್ರಗಳಲ್ಲಿ ಕಾಣಲಾಗಿದೆ. ಗಣಪತಿ ದೇವರನ್ನು ಹೊಂದಿಸುವ ಕಾರಣದಿಂದಾಗಿ ಮೊದಲು ಓಂ ಉಚ್ಚಾರ ಮಾಡಲಾಗುತ್ತದೆ. ಗಣಪತಿಯ ಯಾವುದೇ ಮಂತ್ರಗಳನ್ನು ಹೇಳುವಾಗ ಓಂ ಪದವನ್ನು ಬಳಸುತ್ತಾರೆ.
ಮೊದಲು ಭೂಮಿ ಸೃಷ್ಟಿಯಾದಾಗ ಮೊದಲು ಕೇಳಿಬಂದ ಶಬ್ದವೇ ಓಂ ಎಂದು ಹೇಳಲಾಗಿದೆ. ಭೂಮಿಯು ಅಂತ್ಯವಾಗುವಾಗಲೂ ಇದೆ ರೀತಿಯ ಶಬ್ದ ಕೇಳಿಬರಲಿದೆ ಎಂದು ಹೇಳಲಾಗುತ್ತದೆ. ಇದು ಮೊದಲ ಶಬ್ದ ಆಗಿರುವುದರಿಂದ ಇದಕ್ಕೆ ಹೆಚ್ಚಿನ ಪ್ರಾಮುಖ್ಯತೆಯಿದೆ.ಈ ಕಾರಣದಿಂದ ಮಂತ್ರೋಚ್ಚಾರ ಮಾಡುವಾಗ ಮೊದಲು ಈ ಪದವನ್ನು ಉಚ್ಚಾರ ಮಾಡುತ್ತಾರೆ.
ಏಕಾಗ್ರತೆ ಸುಧಾರಣೆಗಾಗಿ ಓಂ ಮಂತ್ರ ಉಪಯೋಗಿಸಬಹುದು. ಈ ಎಲ್ಲ ಶಕ್ತಿಗಳ ಮೇಲೆ ಹಿಡಿತ ಸಾಧಿಸಿಕೊಂಡು ಅದನ್ನು ಸಮತೋಲನದಲ್ಲಿ ಇರಿಸಿಕೊಂಡಿರುವ ವ್ಯಕ್ತಿಯು ಯಾವಾಗಲೂ ಮಾನಸಿಕವಾಗಿ ಬಲಿಷ್ಠನಾಗಿರುವನು. ಮಾನಸಿಕವಾಗಿ ಆರಾಮಾಗಿ ಇರುವ ವ್ಯಕ್ತಿ ಯಾವಾಗಲೂ ಹೆಚ್ಚು ಏಕಾಗ್ರತೆ ಸಾಧಿಸಬಹುದು. ಮಂತ್ರವು ಏಕಾಗ್ರತೆಯನ್ನು ಉಂಟುಮಾಡಲು ನೆರವಾಗುತ್ತದೆ. ಇದರಿಂದಾಗಿ ಯೋಗದಲ್ಲಿ ಇದನ್ನು ಬಳಸಲಾಗಿದೆ.
