ಶೀತ ಕೆಮ್ಮಿನ ಸಮಸ್ಯೆಗಳಿಗೆಲ್ಲಾ ಆಸ್ಪತ್ರೆಗೆ ಹೋಗಬೇಕಿಲ್ಲ, ಬದಲಿಗೆ ಮನೆಯ ಅಡುಗೆ ಮನೆಯಲ್ಲಿರುವ ಇಂಗನ್ನು ಬಳಸಿಕೊಂಡು ಈ ಸಮಸ್ಯೆಗೆ ಪರಿಹಾರವನ್ನು ಕಾಣಬಹುದಾಗಿದೆ.ಮನುಷ್ಯನ ಸರಳವಾದ ಗುಣ ಎಂದರೆ ತನ್ನ ಸುತ್ತಮುತ್ತಲಿನ ಪರಿಸರಕ್ಕೆ ಮತ್ತು ವಾತಾವರಣಕ್ಕೆ ಹೊಂದಿಕೊಂಡು ಅದರಲ್ಲಿಯೇ ತನ್ನ ದಿನಚರಿಯನ್ನು ದೂಡುವುದು, ಹಾಗೂ ಇವೆರಡಕ್ಕೂ ಕೂಡ ಹೊಂದಾಣಿಕೆ ಮಾಡಿಕೊಂಡು ಜೀವನ ನಡೆಸುವ ಕಲೆ ತನ್ನಲ್ಲಿ ಕರಗತ ಮಾಡಿ ಕೊಂಡಿರುತ್ತಾನೆ.
ಈ ಮಾತನ್ನು ಇಲ್ಲಿ ಯಾಕೆ ಹೇಳುತ್ತಿದ್ದೇವೆ, ಅಂದರೆ ಇತ್ತೀಚಿನ ದಿನಗಳಲ್ಲಿ ಬೇಸಿಗೆಯಲ್ಲೂ ಕೂಡ ಮಳೆಯ ಕಾಟ ದಿನಾ ಹೋದ ಹಾಗೆ ಜೋರಾಗುತ್ತಾ ಹೋಗುತ್ತಿದೆ. ಈ ಸಮಯದಲ್ಲಿ ಬೀಸುತ್ತಿರುವ ತಂಪಾದ ಗಾಳಿ, ಹಾಗೂ ಕೆಲವೊಂದು ರೋಗಕಾರಕ ಸೂಕ್ಷ್ಮಾಣುಗಳು, ಮೂಗು ಹಾಗೂ ಬಾಯಿಯ ಮೂಲಕ ಸಲುಭವಾಗಿ ನಮ್ಮ ದೇಹ ಸೇರಿಕೊಳ್ಳುವುದರ ಜೊತೆಗೆ, ದೇಹದ ರೋಗನಿರೋಧಕ ಶಕ್ತಿಯನ್ನು ಕೂಡ ಕಡಿಮೆ ಮಾಡಿಬಿಡುತ್ತದೆ. ಈ ಸಂದರ್ಭದಲ್ಲಿ ಇದ್ದಕ್ಕಿದ್ದಂತೆ ಆರೋಗ್ಯದಲ್ಲಿ ಏರುಪೇರಾಗಿ ಶೀತ-ಕೆಮ್ಮಿನಂತಹ ಸಮಸ್ಯೆಗಳು ನಮ್ಮನ್ನು ಸುಲಭವಾಗಿ ಆವರಿಸಿ ಬಿಡುತ್ತವೆ.
ನಿಧಾನಕ್ಕೆ ಶುರುವಾಗುವ ಈ ಸಮಸ್ಯೆಗಳು, ನಂತರದ ದಿನಗಳಲ್ಲಿ ವ್ಯಕ್ತಿಯಲ್ಲಿ ಮೈಕೈನೋವು, ಪದೇ ಪದೇ ಆಯಸವಾಗುವುದು, ಎದೆ ಕಟ್ಟಿದಂತಾಗುವುದು, ಕಣ್ಣಿನಲ್ಲಿ ಉರಿ ಕಾಣಿಸಿಕೊಳ್ಳು ವುದು, ಸಣ್ಣಗೆ ಜ್ವರ ಕಾಣಿಸಿಕೊಳ್ಳುವುದು, ಉಸಿರಾಟದಲ್ಲಿ ಏರುಪೇರಾಗುವುದು, ಇಂತಹ ಹಲವಾರು ತೊಂದರೆಗಳು ಕಾಣಿಸಲು ಶುರುವಾಗುತ್ತದೆ.
ಒಂದು ವೇಳೆ, ನಿಮಗೂ ಕೂಡ ಶೀತ ನೆಗಡಿ ಕೆಮ್ಮುನಂತಹ ಸಮಸ್ಯೆಗಳು ಕಂಡು ಬರುತ್ತಿದ್ದರೆ, ಆಸ್ಪತ್ರೆ ಬಾಗಿಲು ತಟ್ಟಬೇಕು ಎಂದೇನಿಲ್ಲ ನಮ್ಮ ಮನೆಯಲ್ಲಿ ಸಿಗುವಂತಹ ಇಂಗನ್ನು ಬಳಸಿ ಕೊಂಡು, ಈ ಸಮಸ್ಯೆಗೆ ಪರಿಹಾರವನ್ನು ಕಾಣಬಹುದಾಗಿದೆ.
ಚಿಟಿಕೆಯಷ್ಟು ಇಂಗಿನ ಪ್ರಯೋಜನಗಳು
ನಮಗೆಲ್ಲಾ ಗೊತ್ತೇ ಇರುವ ಹಾಗೆ ಅಡುಗೆಯಲ್ಲಿ ಇಂಗು ಬಳಕೆ ಮಾಡುವುದು ಆಹಾರಕ್ಕೆ ರುಚಿ ನೀಡಲು ಹಾಗೂ ಗ್ಯಾಸ್ಟ್ರಿಕ್ ಅಸಿಡಿಟಿಯಂತಹ ಸಮಸ್ಯೆಗಳನ್ನು ದೂರ ಮಾಡಲು. ಇಲ್ಲಾಂದ್ರೆ ಗ್ಯಾಸ್ ಸಮಸ್ಯೆಯನ್ನು ಉಂಟು ಮಾಡುವ ಆಹಾರ-ಪದಾರ್ಥಗಳಿಗೂ ಕೂಡ, ಚಿಟಿಕೆಯಷ್ಟು ಇಂಗನ್ನು ಹಾಕುತ್ತಾರೆ. ಆದರೆ ಇಂಗಿನ ಪ್ರಯೋಜನಗಳು ಇಷ್ಟಕ್ಕೆ ಮಾತ್ರ ನಿಂತಿಲ್ಲ!ವಾತಾವರಣದಲ್ಲಿ ಏರು ಪೇರಾಗಿ ಕಾಡುವ ಶೀತ-ಕೆಮ್ಮಿನಂತಹ ಸಮಸ್ಯೆಗಳ ನಿವಾರಣೆಗೂ ಕೂಡ, ಚಿಟಿಕೆಯಷ್ಟು ಇಂಗನ್ನು ಬಳಕೆ ಮಾಡ ಬಹುದಾಗಿದೆ.
ಹೌದು ಇದರಲ್ಲಿ ಆಂಟಿ ಇನ್ಫಾಮೇಟರಿ ಗುಣಲಕ್ಷಣಗಳು ಹೆಚ್ಚಾಗಿ ಕಂಡುಬರುವುದರಿಂದ, ಒಣ ಕೆಮ್ಮು, ನೆಗಡಿ, ಶೀತದಂತಹ ಸಮಸ್ಯೆಗಳಿಗೆ ಇವುಗಳಿಂದ ಪರಿಹಾರ ಕಾಣಬಹುದಾಗಿದೆ. ಅಲ್ಲದೆ ಉಸಿರಾಟ ವ್ಯವಸ್ಥೆಗೆ ಸಂಬಂಧಪಟ್ಟಂತೆ ಯಾವುದಾದರೂ ಸೋಂಕುಗಳು ಎದುರಾದರೆ ಚಿಟಿಕೆ ಯಷ್ಟು ಇಂಗು ಅದಕ್ಕೆ ಒಂದು ಅತ್ಯುತ್ತಮ ಪರಿಹಾರ ಎಂದು ಹೇಳಬಹುದು.
ಇನ್ನು ಇದರಲ್ಲಿ ನೋವು-ನಿವಾರಕ ಆಂಟಿಆಕ್ಸಿಡೆಂಟ್ ಅಂಶ ಹೇರಳವಾಗಿ ಕಂಡುಬರುವುದರಿಂದ, ಮಹಿಳೆಯರಿಗೆ ಮುಟ್ಟಿನ ಸಮಯದಲ್ಲಿ ಕಾಡುವ ನೋವಿನ ಸಮಸ್ಯೆಗೆ, ಹಲ್ಲು ನೋವಿನ ಸಮಸ್ಯೆ, ಮೈಗ್ರೇನ್ -ತಲೆನೋವು ನಿವಾರಣೆಗೆ ಇಂಗು ತುಂಬಾ ಸಹಕಾರಿ.
ಕಫದಿಂದ ಕೂಡಿದ ಕೆಮ್ಮಿನ ಸಮಸ್ಯೆ ಇದ್ದರೆ.
ಮೊದಲಿಗೆ ಒಂದು ಅರ್ಧ ಟೀ ಚಮಚ ಆಗುವಷ್ಟು ಇಂಗು ಪೌಡರ್‌ನ್ನು ಒಂದು ಬೌಲ್‌ನಲ್ಲಿ ಹಾಕಿಕೊಳ್ಳಿ. ಇನ್ನು ಇದಕ್ಕೆ ಅರ್ಧ ಟೀ ಚಮಚ ಒಣ ಶುಂಠಿ ಪೌಡರ್‌ನ್ನು ಹಾಕಿ, ಇವೆರಡನ್ನೂ ಚೆನ್ನಾಗಿ ಮಿಕ್ಸ್ ಮಾಡಿ ಕೊಳ್ಳಿ.
ಆಮೇಲೆ ಇದಕ್ಕೆ, ಎರಡು ಟೇಬಲ್ ಚಮಚ ಶುದ್ಧ ಜೇನುತುಪ್ಪವನ್ನು ಹಾಕಿ ಇನ್ನೊಮ್ಮೆ ಬೆರೆಸಿ, ಆಮೇಲೆ ಸಣ್ಣಗೆ ಉಂಡೆ ರೀತಿ ಮಾಡಿಕೊಂಡು, ಒಂದು ಏರ್‌ಟೈಟ್ನರ್ ಇರುವ ಡಬ್ಬದಲ್ಲಿ ಇರಿಸಿ ಕೊಳ್ಳಿ. ಒಂದು ವೇಳೆ ಕಫದಿಂದ ಕೂಡಿದ ಕೆಮ್ಮಿನ ಸಮಸ್ಯೆ ಕಾಡಿದರೆ, ಇದನ್ನು ಬಾಯಿಗೆ ಹಾಕಿ ಕೊಂಡು, ಇದರ ರಸವನ್ನ ನಿಧಾನಕ್ಕೆ ಹೀರುತ್ತಾ ಬನ್ನಿ, ಒಂದೆರಡು ದಿನಗಳ ಲ್ಲಿಯೇ ಕೆಮ್ಮಿನ ಸಮಸ್ಯೆಗಳು ಮಾಯವಾಗುತ್ತದೆ.
ಇನ್ನು ಇದರಲ್ಲಿ ಎದೆಯ ಭಾಗದಲ್ಲಿರುವ ಕಫ ಸಮಸ್ಯೆಯನ್ನು ದೂರ ಮಾಡುವ ಆಂಟಿ ಇನ್ಫಾ ಮೇಟರಿ ಎನ್ನುವ ಆರೋಗ್ಯಕಾರಿ ಅಂಶಗಳು ಹೇರಳವಾಗಿ ಕಂಡುಬರುವುದರಿಂದ, ಇದರ ರಸವು, ಶ್ವಾಸಕೋಶದ ಭಾಗದಲ್ಲಿ ಕೆಮ್ಮಿಗೆ ಕಾರಣವಾಗುವ ಸೊಂಕನ್ನು ನಿವಾರಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ.
ಅಲ್ಲದೆ ಎದೆಯ ಭಾಗ ಭಾಗದಲ್ಲಿ ಕಟ್ಟಿಕೊಂಡಿರುವ ಕಫ, ಬೇಗನೇ ಕರಗಿ, ಹೋಗವಂತೆ ನೋಡಿ ಕೊಳ್ಳುತ್ತದೆ. ಒಳ್ಳೆಯ ಫಲಿತಾಂಶಕ್ಕಾಗಿ ದಿನದಲ್ಲಿ ಎರಡು-ಮೂರು ಬಾರಿ ಈ ಮನೆಮದ್ದನ್ನು ಅನುಸರಿಸುವುದರಿಂದ, ಒಳ್ಳೆಯ ಫಲಿತಾಂಶವನ್ನು ಕಾಣಬಹುದಾಗಿದೆ.
ಒಣ ಕೆಮ್ಮಿನ ಸಮಸ್ಯೆಗಳು ಇದ್ದರೆ
ಇನ್ನು ಒಂದು ವೇಳೆ ವಾತಾವರಣದಲ್ಲಿ ಉಂಟಾಗುವ ಏರುಪೇರಿನಿಂದಾಗಿ ಒಣಕೆಮ್ಮಿನ ಸಮಸ್ಯೆ ಉಂಟಾಗಿದ್ದರೆ, ಒಂದು ಬೌಲ್‌ನಲ್ಲಿ ಅರ್ಧ ಟೀ ಚಮಚ ಇಂಗು ಪೌಡರ್‌ಗೆ, ಅಷ್ಟೇ ಪ್ರಮಾಣ ದಲ್ಲಿ ತಾಜಾ ಶುಂಠಿ ರಸ ಹಾಗೂ ಒಂದು ಟೇಬಲ್ ಚಮಚ ಜೇನುತುಪ್ಪವನ್ನು ಮಿಶ್ರಣಮಾಡಿ, ಕೆಮ್ಮಿನ ಸಿರಪ್ ರೀತಿಯಾಗಿ ಮಾಡಿಕೊಳ್ಳಿ.
ಇನ್ನು ಒಣಕೆಮ್ಮಿನ ಸಮಸ್ಯೆ ಜಾಸ್ತಿ ಇರುವಾಗ ಪ್ರತಿದಿನ ಎರಡು-ಮೂರು ಬಾರಿ ಒಂದೊಂದು ಚಮಚದಂತೆ ಈ ಸಿರಪ್‌ನ್ನು ಸೇವನೆ ಮಾಡುತ್ತಾ ಬರುವುದರಿಂದ, ಒಣ ಕೆಮ್ಮಿನ ಸಮಸ್ಯೆ ಕ್ರಮೇಣವಾಗಿ ಕಡಿಮೆ ಆಗುತ್ತಾ ಬರುತ್ತದೆ.
ಇನ್ನು ಶೀತದ ಸಮಸ್ಯೆ ಇದ್ದರೆ…
ಶೀತದ ಸಮಸ್ಯೆ ಜಾಸ್ತಿ ಇದ್ದರೆ, (ರನ್ನಿಂಗ್ ನೋಸ್) ಅಯುರ್ವೇದ ಅಂಗಡಿಗಳಲ್ಲಿ ಸಿಗುವ ಇಂಗು ಎಣ್ಣೆ ತೆಗೆದುಕೊಂಡು, ಅದರ ಎರಡು-ಮೂರು ಹನಿಯನ್ನು ಒಂದು ದೊಡ್ಡ ಪಾತ್ರೆಯಲ್ಲಿ ಕುದಿ ಯುವ ಬಿಸಿ ನೀರಿಗೆ ಹಾಕಿ, ತಲೆಗೆ ದೊಡ್ಡ ಟವೆಲ್ ಮುಚ್ಚಿಕೊಂಡು, ಅದರ ಆವಿಯನ್ನು ತೆಗೆದು ಕೊಳ್ಳಬೇಕು.
ಇಲ್ಲಾಂದರೆ ಮಲಗುವ ಮುನ್ನ ಕುತ್ತಿಗೆಯ ಭಾಗ, ಎದೆಯ ಭಾಗಕ್ಕೆ ಈ ಎಣ್ಣೆಯನ್ನು ಹಚ್ಚಿ, ನಿಧಾ ನಕ್ಕೆ ಮಸಾಜ್ ಮಾಡುವುದರಿಂದ ಕೂಡ ಒಳ್ಳೆಯ ಫಲಿತಾಂಶವನ್ನು ಕಾಣಬಹುದಾಗಿದೆ.
ಇನ್ನು ಚಳಿಗಾಲದ ತಣ್ಣನೆಯ ಸಾಯಂಕಾಲದಲ್ಲಿ ಒಂದು ಕಪ್ ಬಿಸಿ ಚಹಾ ಹೀರುವುದಕ್ಕಿಂತ ಚೈತನ್ಯದಾಯಕ ವಿಷಯ ಮತ್ತೊಂದಿಲ್ಲ. ಆದರೆ ನೀವು ಆರೋಗ್ಯದ ಸಮಸ್ಯೆಗಳನ್ನು ಗುಣಪಡಿಸಲು ಅದ್ಭುತ ಪರಿಹಾರಗಳಿರುವ ಚಹಾ ಎಂದಾದರೂ ಪ್ರಯತ್ನಿಸಿದ್ದೀರಾ? ನಿಜ, ಜೀವನಶೈಲಿಯ ಅನೇಕ ಖಾಯಿಲೆಗಳನ್ನು ಪ್ರಾಕೃತಿಕವಾಗಿ ನಿರ್ವಹಿಸಲು ನೆರವಾಗುವ ಪುರಾತನ ಪರಿಹಾರಗಳ ಬಗ್ಗೆ ಕೇಳಿದರೆ ನೀವು ಚಕಿತರಾಗುತ್ತೀರಿ. ಇಂತಹ ಒಂದು ಗುಣಕಾರಕ ಮಿಶ್ರಣವೆಂದರೆ ಕರಿಮೆಣಸಿನ ಪುಡಿಯ ಚಹಾ.
ಮನೆಯಲ್ಲಿ ಕರಿಮೆಣಸಿನ ಪುಡಿಯ ಚಹಾ ಹೇಗೆ ತಯಾರಿಸಬಹುದು?
ಮನೆಯಲ್ಲೇ ಕರಿಮೆಣಸಿನ ಪುಡಿಯ ಚಹಾ ತಯಾರಿಸಲು, ಪಾತ್ರೆಯನ್ನು ಮಧ್ಯಮ ಉರಿಯಲ್ಲಿಟ್ಟು, ಒಂದು ಕಪ್ ನೀರು ಸೇರಿಸಿ. ಇದಕ್ಕೆ 1/2 ಇಂಚು ಶುಂಠಿ ಪೇಸ್ಟ್ ಅಥವಾ ಜಜ್ಜಿದ ಶುಂಠಿ ಸೇರಿಸಿ. ನೀರು ಕುದಿಯಲು ಆರಂಭಿಸಿದಾಗ, 1 ಟೀಸ್ಪೂನ್ ಕರಿಮೆಣಸಿನ ಪುಡಿಯೊಂದಿಗೆ 1 ಟೀಸ್ಪೂನ್ ಚಹಾ ಎಲೆಗಳನ್ನೂ ಹಾಕಿ. ಸ್ಟವ್ ಆರಿಸಿ, 1/2 ಕಪ್ ಹಾಲು, 1 ಟೀಸ್ಪೂನ್ ಸಕ್ಕರೆ ಸೇರಿಸಿ. ಟೀ ಮರಳಲು ಬಿಡಿ. ಶೋಧಿಸಿ, ಆನಂದಿಸಿ! ಟೀಯನ್ನು ಹೆಚ್ಚು ಆರೋಗ್ಯಕರವಾಗಿಸಲು, ಸಕ್ಕರೆಗೆ ಬದಲಾಗಿ ಬೆಲ್ಲದ ಪುಡಿ ಅಥವಾ ಜೇನುತುಪ್ಪ ಸೇರಿಸಬಹುದು.
ಕರಿಮೆಣಸಿನ ಪುಡಿ ಟೀ ರಕ್ತದೊತ್ತಡವನ್ನು ಸ್ವಾಭಾವಿಕವಾಗಿ ನಿರ್ವಹಿಸಲು ಹೇಗೆ ನೆರವಾಗುತ್ತದೆ?
ಕರಿಮೆಣಸಿನಪುಡಿಯನ್ನು ಪೈಪರ್ ನಿಗ್ರಮ್ ಎಂದೂ ಕರೆಯಲಾಗುತ್ತದೆ, ಇದು ಹೂಬಿಡುವ ಬಳ್ಳಿಯಾಗಿದ್ದು, ಪಿಪೆರೇಸಿ ಕುಟುಂಬಕ್ಕೆ ಸೇರಿದೆ. ಕರಿಮೆಣಸಿನ ಕೃಷಿಯನ್ನು ಮೆಣಸನ್ನು ಪಡೆಯಲು ಮಾಡಲಾಗುತ್ತದೆ. ಆಂಟಿಆಕ್ಸಿಡೆಂಟ್ ಗಳಿಂದ ಸಮೃದ್ಧವಾದ ಕರಿಮೆಣಸು ಪ್ರಾಕೃತಿಕವಾಗಿ ನಿಮ್ಮ ರಕ್ತದೊತ್ತಡ ನಿರ್ವಹಿಸುವುದರೊಂದಿಗೆ ಹೃದಯರಕ್ತನಾಳಗಳ ಆರೋಗ್ಯವನ್ನು ಸುಧಾರಿಸುತ್ತದೆ. ಇದರ ಹೊರತಾಗಿ, ಕರಿಮೆಣಸಿನ ಟೀ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ ಮತ್ತು ಗಂಟಲು ಉರಿಯನ್ನು ಗುಣಪಡಿಸುತ್ತದೆ.
ಅಧ್ಯಯನದ ಪ್ರಕಾರ
ದ ಜರ್ನಲ್ ಆಫ್ ಕಾರ್ಡಿಯೋವ್ಯಾಸ್ಕ್ಯುಲಾರ್ ಫಾರ್ಮಕಾಲಜಿಯಲ್ಲಿ ಪ್ರಕಟವಾದ ಅಧ್ಯಯನದ ಪ್ರಕಾರ, ಕರಿಮೆಣಸಿನಲ್ಲಿರುವ ಸಂಯುಕ್ತ ಪದಾರ್ಥ ಪಿಪೆರಿನ್ ಅಧಿಕ ರಕ್ತದೊತ್ತಡ ಕಡಿಮೆ ಮಾಡಲು ಮತ್ತು ನಿಯಂತ್ರಿಸಲು ನೆರವಾಗುತ್ತದೆ. ಕರಿಮೆಣಸಿನಲ್ಲಿರುವ ಪೊಟ್ಯಾಷಿಯಂ ರಕ್ತ ದಪ್ಪಗಾಗುವುದನ್ನು ತಡೆಯುತ್ತದೆ ಹಾಗೂ ಅಧಿಕ ರಕ್ತದೊತ್ತಡಕ್ಕೆ ಕಾರಣವಾಗುವ ಅಧಿಕ ಸೋಡಿಯಂ ಸೇವನೆಯಿಂದ ಉಂಟಾಗುವ ಪಾರ್ಶ್ವ ಪರಿಣಾಮಗಳನ್ನು ಕಡಿಮೆ ಮಾಡುತ್ತದೆ.
ಅಧಿಕ ರಕ್ತದೊತ್ತಡ ಏಕೆ ಅಪಾಯಕಾರಿ?
ಅಧಿಕ ರಕ್ತದೊತ್ತಡ ಅಥವಾ ಹೈಪರ್ ಟೆನ್ಷನ್ ಗೆ ಅನೇಕ ಕಾರಣಗಳಿರುತ್ತವೆ. ಅನಾರೋಗ್ಯಕರ ಆಹಾರ ಸೇವನೆಯಿಂದ ಹೆಚ್ಚಿನ ಪ್ರಮಾಣದ ಉಪ್ಪು ಸೇವನೆಯವರೆಗೆ ಅನೇಕ ಕಾರಣಗಳಿದ್ದು, ಅಧಿಕ ರಕ್ತದೊತ್ತಡ ಮೆದುಳಿನ ಪಾರ್ಶ್ವವಾಯು, ಹೃದಯ ರಕ್ತನಾಳಗಳ ಆಘಾತದಂತಹ ಮಾರಣಾಂತಿಕ ಸ್ಥಿತಿಗಳನ್ನು ಉಂಟುಮಾಡುತ್ತದೆ. ಆರೋಗ್ಯಕರ ಜೀವನಶೈಲಿ ಅಳವಡಿಸಿಕೊಳ್ಳುವ ಮೂಲಕ, ಆರೋಗ್ಯಕರ ಆಹಾರ ಸೇವಿಸುವ ಮೂಲಕ ಮತ್ತು ಉಪ್ಪಿನ ಸೇವನೆ ಕಡಿಮೆ ಮಾಡುವ ಮೂಲಕ ಅಧಿಕ ರಕ್ತದೊತ್ತಡವನ್ನು ನಿರ್ವಹಿಸಬಹುದು. ನಿಮ್ಮ ಆಹಾರಕ್ಕೆ ಕರಿಮೆಣಸಿನ ಪುಡಿಯನ್ನು ಸೇರಿಸುವುದರಿಂದ ರಕ್ತದೊತ್ತಡದ ಮಟ್ಟ ಕಡಿಮೆಯಾಗುತ್ತದೆ, ಆದರೆ ನಿಮ್ಮ ಆಹಾರದಲ್ಲಿ ಯಾವುದೇ ಪದಾರ್ಥ ಸೇರಿಸುವ ಮೊದಲು, ನಿಮ್ಮ ವೈದ್ಯರನ್ನು ಸಂಪರ್ಕಿಸಿ.
