ಒಂದ್ವೇಳೆ ಜೀವಂತ ಮನುಷ್ಯರು ಗರುಡ ಪುರಾಣ ಓದಿದರೆ ಏನಾಗುತ್ತದೆ!

ಸಾಮಾನ್ಯವಾಗಿ ಗರುಡ ಪುರಾಣದ ಬಗ್ಗೆ ಎಲ್ಲಾರು ಕೇಳಿರುತ್ತಿರಿ. ಸಮಾಜದಲ್ಲಿ ಹೆಚ್ಚಾಗಿ ಗರುಡ ಪುರಾಣವನ್ನು ಜೀವಂತವಾಗಿರುವ ವ್ಯಕ್ತಿಗಳು ಓದಬಾರದು ಎಂದು ಹೇಳುತ್ತಾರೆ. ಒಂದು ವೇಳೆ ಜೀವಂತವಾಗಿರುವ ವ್ಯಕ್ತಿ ಗರುಡ ಪುರಾಣವನ್ನು ಓದಿದರೆ ಅಥವಾ ತಮ್ಮ ಬಳಿ ಇಟ್ಟುಕೊಂಡರೆ ಅವರ ಜೀವನದಲ್ಲಿ ಬರೀ ಅಶುಭ ಘಟನೆಗಳು ನಡೆಯುತ್ತವೆ. ಇನ್ನು ಈ ಒಂದು ರಹಸ್ಯವನ್ನು ತಿಳಿದುಕೊಂಡರೆ ಈ ಭಯದಿಂದ ಮುಕ್ತಿಯನ್ನು ಹೊಂದುತ್ತೀರಿ.

ಗರುಡ ಪುರಾಣವನ್ನು ಯಾವಾಗ ಬೇಕಾದರೂ ಮತ್ತು ಯಾರು ಬೇಕಾದರೂ ಓದಬಹುದು. ಯಾರಿಗೆ ಓದುವುದಕ್ಕೆ ಇಷ್ಟ ಇದೆಯೋ ಅವರು ಇದನ್ನು ಓದಬಹುದು. ಪವಿತ್ರ ಹಾಗು ಶುದ್ಧವಾದ ಮನಸ್ಸಿನಿಂದ ಗರುಡ ಪುರಾಣದ ಪಾಠವನ್ನು ಓದಬಹುದು.ಗರುಡ ಪುರಾಣದಲ್ಲಿ ಸ್ವರ್ಗ ನರಕ ಪಾಪ ಪುಣ್ಯ ಹಾಗು ಹಲವಾರು ರಹಸ್ಯಗಳು ಇವೆ. ಇದರಲ್ಲಿ ಜ್ಞಾನ ವಿಜ್ಞಾನ ನೀತಿ ನಿಯಮ ಮತ್ತು ಧರ್ಮಕ್ಕೆ ಸಂಬಂಧಪಟ್ಟ ವಿಷಯಗಳು ಇವೆ.

ಈ ಗರುಡ ಪುರಾಣ ಎಂದರೇನು, ಇದು ಏಕೆ ಇತರ 17 ಪುರಾಣಗಳಿಗಿಂತ ಭಿನ್ನ, ಇದರ ಮಂತ್ರಗಳೇನು ಮುಂದೆ ನೋಡೋಣ:

ಹಿಂದೂ ಧರ್ಮದಲ್ಲಿ ಒಟ್ಟು 18 ಪುರಾಣಗಳಿವೆ. ಯಾರ ಹೆಸರುಗಳು – ಬ್ರಹ್ಮ ಪುರಾಣ, ಪದ್ಮ ಪುರಾಣ, ವಿಷ್ಣು ಪುರಾಣ, ವಾಯು ಪುರಾಣ, ಭಾಗವತ ಪುರಾಣ, ನಾರದ ಪುರಾಣ, ಮಾರ್ಕಂಡೇಯ ಪುರಾಣ, ಅಗ್ನಿ ಪುರಾಣ, ಭವಿಷ್ಯ ಪುರಾಣ, ಬ್ರಹ್ಮ ವೈವರ್ತ ಪುರಾಣ, ಲಿಂಗ ಪುರಾಣ, ವರಾಹ ಪುರಾಣ, ಸ್ಕಂದ ಪುರಾಣ, ವಾಮನ ಪುರಾಣ, ಮತ್ಸ್ಯ ಪುರಾಣ, ಗರುಡ ಪುರಾಣ, ಬ್ರಹ್ಮಾಂಡ ಪುರಾಣ. ಇದರಲ್ಲಿ ಬ್ರಹ್ಮ ಪುರಾಣವನ್ನು ಅತ್ಯಂತ ಹಳೆಯ ಪುರಾಣ ಎಂದು ಪರಿಗಣಿಸಲಾಗಿದೆ ಮತ್ತು ಸ್ಕಂದ ಪುರಾಣವು ಅತ್ಯಂತ ದೊಡ್ಡ ಪುರಾಣವಾಗಿದೆ.

ಗರುಡ ಪುರಾಣದ ಹೆಸರು ಕೇಳಿದಾಗ ಜನರು ಅದನ್ನು ಸಾವಿನ ಘಟನೆಗಳಿಗೆ ಸಂಬಂಧಿಸಿದ ಗ್ರಂಥವಾಗಿ ಮಾತ್ರ ನೋಡುತ್ತಾರೆ, ಇದನ್ನು ಕುಟುಂಬದ ಸದಸ್ಯರು ಸತ್ತ 13 ದಿನಗಳವರೆಗೆ ಮನೆಯಲ್ಲಿ ಪಠಿಸುವ ಪದ್ದತಿ ಇದೆ.

ಗರುಡ ಪುರಾಣ ಕೇವಲ ಸಾವು ಮತ್ತು ಅದರ ನಂತರದ ಆತ್ಮದ ಪ್ರಯಾಣದ ಬಗ್ಗೆ ಮಾತ್ರ ಹೇಳುವುದಿಲ್ಲ ಬದಲಾಗಿ ನಮ್ಮ ಜೀವನವನ್ನು ಸುಧಾರಿಸುವ ಮಾರ್ಗಗಳ ಬಗ್ಗೆಯೂ ಇದರಲ್ಲಿ ಹೇಳಲಾಗಿದೆ.
ಸನಾತನ ಧರ್ಮದಲ್ಲಿ ನಂಬಿಕೆಯುಳ್ಳವರು ಗರುಡ ಪುರಾಣದಲ್ಲಿ ಉಲ್ಲೇಖಿಸಿರುವ ವಿಷಯಗಳನ್ನು ಹೆಚ್ಚಾಗಿ ನಂಬುತ್ತಾರೆ ಹಾಗೂ ಪಾಲಿಸುತ್ತಾರೆ.
ಇದರಲ್ಲಿ ಸತ್ತವರ ಮರಣದಿಂದ ಮೋಕ್ಷದ ಸಾಧನೆಯವರೆಗಿನ ಪ್ರಯಾಣವನ್ನು ಬಹಳ ವಿವರವಾಗಿ ವಿವರಿಸಲಾಗಿದೆ, ಅದು ನಾವು ಮೋಕ್ಷದ ಹಾದಿಗೆ ಹೋದಲು ನಮ್ಮ ಜೀವನವನ್ನು ಹೇಗೆ ಜೀವಿಸಬೇಕು ಎಂಬುದನ್ನು ಹೇಳುತ್ತದೆ.

ಗರುಡ ಪುರಾಣದಲ್ಲಿ ಏನಿದೆ?

ಸನಾತನ ಧರ್ಮದಲ್ಲಿ ಒಟ್ಟು 18 ಪುರಾಣಗಳು ಮತ್ತು ಉಪ ಪುರಾಣಗಳಿವೆ. ಎಲ್ಲಾ ಪುರಾಣಗಳನ್ನು ಮಹಾಭಾರತದ ಲೇಖಕರಾದ ಮಹರ್ಷಿ ವೇದವ್ಯಾಸರು ಬರೆದಿದ್ದಾರೆ. ಅವುಗಳಲ್ಲಿ ಗರುಡ ಪುರಾಣವೂ ಒಂದು.

ಗರುಡ ಪುರಾಣದಲ್ಲಿ ಒಟ್ಟು 19 ಸಾವಿರ ಶ್ಲೋಕಗಳಿದ್ದು, ಇದರಲ್ಲಿ ವಿಷ್ಣುವಿನ 24 ಅವತಾರಗಳನ್ನು ಹೇಳಲಾಗಿದೆ. ಇದು ಸೂರ್ಯ, ಚಂದ್ರ ಮತ್ತು ಇತರ ಗ್ರಹಗಳು ಸೇರಿದಂತೆ ಅಲೌಕಿಕ ಪ್ರಪಂಚದ 9 ಶಕ್ತಿಗಳನ್ನು ವಿವರಿಸುತ್ತದೆ.

ಹಿಂದೂ ಧರ್ಮದಲ್ಲಿ ಒಟ್ಟು 18 ಪುರಾಣಗಳನ್ನು ಹೇಳಲಾಗಿದ್ದು, ಅದರಲ್ಲಿ ಗರುಡ ಪುರಾಣವೂ ಒಂದು. ಗರುಡ ಪುರಾಣವು 18 ಪುರಾಣಗಳಲ್ಲಿ 17ನೇ ಪುರಾಣವಾಗಿದೆ. ಆದರೆ ಇದನ್ನು ಇತರ 17 ಪುರಾಣಗಳಿಗಿಂತ ಭಿನ್ನವಾಗಿ ಪರಿಗಣಿಸಲಾಗಿದೆ. * ಇದಕ್ಕೆ ಕಾರಣ ಈ ಗ್ರಂಥವು ಅಗ್ನಿಪುರಾಣದ ನಂತರ ರಚಿಸಲ್ಪಟ್ಟಿದೆ ಮತ್ತು ಇತರ ಪುರಾಣಗಳಿಂದ ವಿಭಿನ್ನ ವಿಷಯಗಳನ್ನು ಇದರಲ್ಲಿ ಹೇಳಲಾಗಿದೆ. ಅದರಲ್ಲೂ ಸಾವು ಮತ್ತು ಮೋಕ್ಷದ ಹಾದಿಯ ಬಗ್ಗೆ ಇಲ್ಲಿ ಸಂಪೂರ್ಣ ವಿವರ ಇದೆ.

ಗರುಡ ಪುರಾಣದಲ್ಲಿ, ಭಗವಾನ್ ವಿಷ್ಣು ಮತ್ತು ಗರುಡರಾಜನ ನಡುವಿನ ಜೀವನ ಮತ್ತು ಸಾವಿನ ಸಂಭಾಷಣೆಯನ್ನು ವಿವರಿಸಲಾಗಿದೆ. ಗರುಡರಾಜನು ಭಗವಾನ್ ವಿಷ್ಣುವಿನಿಂದ ಜೀವನ ಮತ್ತು ಮರಣಕ್ಕೆ ಸಂಬಂಧಿಸಿದ ಜ್ಞಾನವನ್ನು ಪಡೆದುಕೊಂಡನು ಮತ್ತು ಅದನ್ನು ಋಷಿ ಕಶ್ಯಪನಿಗೆ ಹೇಳಿದನು ಎಂಬ ನಂಬಿಕೆ ಇದೆ.