ಸಾಮಾನ್ಯವಾಗಿ ಜೀರಿಗೆಯನ್ನು ನಾವೆಲ್ಲರೂ ಅಡುಗೆಗೆ ಬಳಸುತ್ತೇವೆ. ಇದನ್ನು ಹಸಿಯಾಗಿ ಬಳಸುವುದಕ್ಕಿಂತ ಹುರಿದು ಸೇವಿಸಿದರೆ ಆರೋಗ್ಯಕ್ಕೆ ಸಿಕ್ಕಾಪಟ್ಟೆ ಲಾಭಗಳಿವೆಯಂತೆ. ಹುರಿದ ಜೀರಿಗೆಯನ್ನು ಕೊಲೆಸ್ಟ್ರಾಲ್, ಹೊಟ್ಟೆಯ ಸಮಸ್ಯೆಗಳು, ಚರ್ಮ ರೋಗಗಳು ಇತ್ಯಾದಿಗಳನ್ನು ನಿಯಂತ್ರಿಸಲು ಬಳಸಲಾಗುತ್ತದೆ. ಹುರಿದ ಜೀರಿಗೆಯಲ್ಲಿರುವ ಪೋಷಕಾಂಶಗಳು ಆರೋಗ್ಯಕ್ಕೆ ಬಹಳ ಒಳ್ಳೆಯದು.
ಹುರಿದ ಜೀರಿಗೆಯಲ್ಲಿರುವ ಪೋಷಕಾಂಶಗಳು
ಹುರಿದ ಜೀರಿಗೆಯಲ್ಲಿ ಸತು, ತಾಮ್ರ, ಕಬ್ಬಿಣ, ಕಾರ್ಬ್ಸ್, ವಿಟಮಿನ್ ಸಿ, ವಿಟಮಿನ್ ಕೆ, ವಿಟಮಿನ್ ಬಿ ಮತ್ತು ವಿಟಮಿನ್ ಇ ನಂತಹ ಪೋಷಕಾಂಶಗಳು ಕಂಡುಬರುತ್ತವೆ.
ಹೊಟ್ಟೆ ನೋವನ್ನು ನಿವಾರಿಸುತ್ತದೆ
ಹೆಚ್ಚಿನ ಮಹಿಳೆಯರು ಋತುಸ್ರಾವದ ಸಂದರ್ಭದಲ್ಲಿ ಹೊಟ್ಟೆ ನೋವನ್ನು ಅನುಭವಿಸುತ್ತಾರೆ. ಆಗ ತಕ್ಷಣ ಜೀರಿಗೆಯನ್ನು ಹುರಿದು ಕಷಾಯ ಮಾಡಿ ಕುಡಿದರೆ ಮುಟ್ಟಿನ ಹೊಟ್ಟೆ ನೋವು ಕಡಿಮೆಯಾಗುತ್ತದೆ. ನಿಮಗೆ ಇನ್ನಿತರ ಹೊಟ್ಟೆ ನೋವು, ಸೆಳೆತ, ಅಜೀರ್ಣ, ಆಮ್ಲೀಯತೆ ಮತ್ತು ಗ್ಯಾಸ್ ಇತ್ಯಾದಿಗಳ ಸಮಸ್ಯೆ ಇದ್ದರೆ ಹುರಿದ ಜೀರಿಗೆಯನ್ನು ಬಾಯಿಗೆ ಹಾಕಿ ಜಗಿದರೆ ಸಾಕು.
ಹುರಿದ ಜೀರಿಗೆ ಉತ್ಕರ್ಷಣ ನಿರೋಧಕ ಗುಣಗಳನ್ನು ಹೊಂದಿದ್ದು ಇದು ಜೀರ್ಣಾಂಗ ವ್ಯವಸ್ಥೆಯನ್ನು ಬಲಪಡಿಸುತ್ತದೆ. ಹುರಿದ ಜೀರಿಗೆ ತಂಪಾಗಿಸುವ ಪರಿಣಾಮವನ್ನು ಹೊಂದಿದೆ. ನಿರ್ಜಲೀಕರಣವನ್ನು ತಪ್ಪಿಸಲು ಹುರಿದ ಜೀರಿಗೆಯನ್ನು ಸೇವಿಸಬಹುದು. ಜ್ವರ ಮತ್ತು ವಾಕರಿಕೆ ಯನ್ನು ದೂರಮಾಡಲು ಹುರಿದ ಜೀರಿಗೆಯನ್ನು ಸಹ ಸೇವಿಸಬಹುದು.
ಚರ್ಮ ರೋಗಗಳು ದೂರವಾಗುತ್ತವೆ
ಮೊಡವೆಗಳು, ಮೊಡವೆ ಕಲೆಗಳು ಮುಂತಾದ ಸಮಸ್ಯೆಗಳಿದ್ದರೆ, ನೀವು ಹುರಿದ ಜೀರಿಗೆಯನ್ನು ಬಳಸಬೇಕು. ಹುರಿದ ಜೀರಿಗೆಯನ್ನು ಪುಡಿ ಮಾಡುವ ಮೂಲಕ ಪೇಸ್ಟ್ ತಯಾರಿಸಿ. ಇದನ್ನು ಮುಖಕ್ಕೆ ಹಚ್ಚುವುದರಿಂದ ಚರ್ಮ ರೋಗಗಳು ಗುಣವಾಗುತ್ತವೆ. ಹುರಿದ ಜೀರಿಗೆಯಲ್ಲಿ ವಿಟಮಿನ್ ಇರುವುದರಿಂದ ಚರ್ಮವನ್ನು ಬಿಗಿಗೊಳಿಸಲು ನೀವು ಹುರಿದ ಜೀರಿಗೆ ಪುಡಿಯನ್ನು ಸಹ ಬಳಸಬಹುದು.
ಕೆಂಪು ರಕ್ತ ಕಣಗಳ ಪ್ರಮಾಣ ಹೆಚ್ಚುತ್ತದೆ
ರಕ್ತಹೀನತೆಯನ್ನು ತೊಡೆದುಹಾಕಲು, ಹುರಿದ ಜೀರಿಗೆ ಸೇವನೆಯು ಪ್ರಯೋಜನಕಾರಿ ಎಂದು ಪರಿಗಣಿಸಲಾಗಿದೆ. ಗರ್ಭಾವಸ್ಥೆಯಲ್ಲಿ, ರಕ್ತಹೀನತೆಯಿಂದ ಬಳಲುತ್ತಿರುವ ಮಹಿಳೆಯರು ಹುರಿದ ಜೀರಿಗೆಯನ್ನು ಸೇವಿಸುತ್ತಾರೆ, ಆಗ ದೇಹದಲ್ಲಿ ಕೆಂಪು ರಕ್ತ ಕಣಗಳ ಪ್ರಮಾಣವು ಹೆಚ್ಚಾಗುತ್ತದೆ.
ಹುರಿದ ಜೀರಿಗೆ ಕಬ್ಬಿಣದ ಉತ್ತಮ ಮೂಲವೆಂದು ಪರಿಗಣಿಸಲಾಗಿದೆ. ಈ ಜೀರಿಗೆಯನ್ನು ಪುಡಿ ಮಾಡಿ ಹಾಲಿನೊಂದಿಗೆ ಮಿಕ್ಸ್ ಮಾಡಿಯು ಕುಡಿಯಬಹುದು.
ತೂಕ ಇಳಿಸಲು
ತೂಕ ಇಳಿಸಿಕೊಳ್ಳಲು ನೀವು ಹುರಿದ ಜೀರಿಗೆಯನ್ನು ಸೇವಿಸಬಹುದು. ಹುರಿದ ಜೀರಿಗೆಯನ್ನು ಒಂದು ಲೋಟ ಬಿಸಿ ನೀರಿಗೆ ಹಾಕಿ ಅದಕ್ಕೆ ಜೇನುತುಪ್ಪ ಮತ್ತು ನಿಂಬೆ ಬೆರೆಸಿ ಕುಡಿಯುವುದರಿಂದ ತೂಕ ಕಡಿಮೆಯಾಗುತ್ತದೆ. ನೀವು ಹುರಿದ ಜೀರಿಗೆ ಪುಡಿಯನ್ನು ಸಹ ಬಳಸಬಹುದು. ಪ್ರತಿದಿನ ಇದನ್ನು ಕುಡಿಯುವುದಿಂದ ತೂಕ ಇಳಿಸಲು ಸಹಾಯವಾಗುತ್ತದೆ.
ಕೂದಲಿನ ಸಮಸ್ಯೆಗೆ
ಬಳಹಷ್ಟು ಜನರಿಗೆ ಕೂದಲು ಉದುರುವ ಸಮಸ್ಯೆ ಕಾಡುತ್ತದೆ. ಅವರು ಹುರಿದ ಜೀರಿಗೆ ತಿಂದರೆ ಕೂದಲು ಉದುರುವ ಸಮಸ್ಯೆ ದೂರವಾಗುತ್ತದೆ. ಇಲ್ಲವಾದರೆ ನೀವು ತೆಂಗಿನ ಎಣ್ಣೆ ಅಥವಾ ಬಾದಾಮಿ ಎಣ್ಣೆಯನ್ನು ಬಿಸಿ ಮಾಡಿ, ಹುರಿದ ಜೀರಿಗೆ ಸೇರಿಸಿ ಮತ್ತು ಕುದಿಸಿ.
ಎಣ್ಣೆಯ ಬಣ್ಣವನ್ನು ಬದಲಾಯಿಸಿದ ನಂತರ, ಅದನ್ನು ಫಿಲ್ಟರ್ ಮಾಡಿ ಮತ್ತು ತಣ್ಣಗಾಗಲು ಬಿಡಿ. ಹುರಿದ ಜೀರಿಗೆ ಎಣ್ಣೆಯನ್ನು ತಲೆಗೆ ಹಚ್ಚುವುದರಿಂದ ಕೂದಲು ದಟ್ಟವಾಗಿ, ಬಲವಾಗಿ ಬೆಳೆಯುತ್ತದೆ. ತಲೆಹೊಟ್ಟು ಸಮಸ್ಯೆಯನ್ನು ನಿವಾರಿಸಲು ಸಹ ಹುರಿದ ಜೀರಿಗೆಯನ್ನು ಬಳಸಬಹುದು.
ಹುರಿದ ಜೀರಿಗೆಯನ್ನು ಹೇಗೆ ಸೇವಿಸುವುದು?
- ಸಲಾಡ್ ಮೇಲೆ ಹುರಿದ ಜೀರಿಗೆ ಪುಡಿಯನ್ನು ಸೇರಿಸಿ ನೀವು ತಿನ್ನಬಹುದು.
- ಹುರಿದ ಜೀರಿಗೆಯಲ್ಲಿ ಕಪ್ಪು ಉಪ್ಪನ್ನು ಬೆರೆಸಿ ಉಗುರುಬೆಚ್ಚನೆಯ ನೀರಿನ ಜೊತೆ ಸೇವಿಸಿ.
- ನೀವು ಪ್ರತಿದಿನ ಒಂದು ಚಮಚ ಹುರಿದ ಜೀರಿಗೆಯನ್ನು ಮೊಸರಿನೊಂದಿಗೆ ಬೆರೆಸಿ ತಿನ್ನಬಹುದು.
- ಹುರಿದ ಜೀರಿಗೆ ಪುಡಿಯನ್ನು ನೀರಿನಲ್ಲಿ ಬೆರೆಸಿ ಕುಡಿಯಿರಿ.
